Mai Bhaagi nhi

 

raat us milan ki,

baat us ghutan ki,

darwaza maine khola tha,

Khidki ki taraf bahein bhi meri h,

kya mai sheeshe ke andar jhaank pati,

Kya vo baat kaano me na goonjti,

kya vo shahad ke niche basa vo zeher dhoondti,

kya mai sheher se sheher ghoomti,

aasmaan ko choomti,

mai bhaagi nhi maa,

Mujhe dhakela gya saanson se,

Sharam jo thi unme,

Vo ek mom ka pinjra tha,

Meri surat ne pighla dala,

Unki haya ko,

Unki haya to sapno me tha,

Kaagaz me likha hua ek shabd,

Vo makkhi sa man,

Jo ek stree ko phhool sa dekhe,

Mastishk se nhi,

Kuchalne wali dhool sa dekhein..

Maa mai bhaagi nhi,

Rounda gyi mai,

Rounde gye vo sapne bhagwaan bnne ke,

Jo raat ke diyon ke saath bujhne na diya tha,

Mai chali thi,

Upkar karne,

Zindagiyan bachane,

Kisne dekha us raat ko,

Kisne dekha us halaat ko,

Vo thi bus me,

Mai apne vidyalay me,

Use bharosa tha apne sheher par,

Mera tha apne is gyaan ke mandir par,

Par vo kuchla gya..

Mai giri aasmaan se,

Mai bhaagi nhi,

Jalaya gya un shaitannon ke zabaan se,

Us soch se,

Ghutan ki vo raat,

Mai gyi is jahaan se